السلآم عليكم ورحمة الله وبركآته
مسآكم الله بالخير جميعـاً
الصرآحــه حبيت اني احط موضوع يخص الصرصرهـ لأني انا من اللي كانو يعآنون من
الصرصرهـ حتى اني اكتشتفت المكآن وقدرت اني أوخر الصرصرهـ هذي .
وقلت احط الموضوع وان شاء الله الشبآب يستفيدون منه .
عمومــآ أدري انكم تقولون لآ يكثر هرجك اللي مامنه فآيدهـ لكن معليش طولت عليكم
بالبدآيـه كنت اذا سمعت الصوت اعتقد ان الصوت جـآي من قدآم الموتر وجلست فترهـ
وأنـآ احسب اني الصوت جـآي من قدآم وبالأخير مرهـ أمشي شوي شوي وطلعت رآسي مع دريشة الموتر وانا اسمع الصرصرهـ طبعاً وأول ما طلعت رآسي مع الدريشه على طول سمعت الصوت جـآي من الصندوق من الخلف .
لقيت مشكلة الصوت طـآلعه من بآب الصندوق وبالضبط من الشنآكير حقآت البآب
( اللي اذا بغيت تفتح الصندوق تفتحه من عندهن )
الحل اذا بغيت توخر الصوت أول شي تفتح بآب الصندوق وبعدين تلآقي الحديدهـ اللي تمسك بآب الصندوق اذا سكرته هذي الحديدهـ دآيم تلقآهــآ سوداء من احتكاك الحديد
مع بعضه وهذا الاحتكآك هو اللي يطلع الصوت وأنت تمشي بالموتر .
المهم انك لآزم تحط على المكآن الأسود اللي وآضح عليه الاحتكآك اي شي بحيث انه ما يطلع صوت وانت مسكر بآب الصندوق .
يعني رح لبننشر وخذ منه ( لستك ) وثبته.أو جب معك شطرطون بلآستيك وثبت اللستك أو الشطرطون بالمكآن اللي فيه الاحتكآك بالضبط علشان اذا فتحت باب الصندوق ما تطيح قطعة ( اللستك ) .
والطريقه هذي يآ شبآب انا مجربهـآ بموتري شخصيـآ .
والصوت اللي قلت لكم عنه ترا دآيم اسمعه بموآتر كثيرهـ وكله طـآلع من بآب الصندوق من موديلات 2006 و 2007.
هذا اللي عندي انا ولآ أدري اذا فيه أصوآت ثآنيه بالهآيلوكس غير الصوت هذا .
الله أعلم لكن انا تكلمت عن اللي أعرفه ومتأكد منه ان شاء الله .
أرجو ان الشرح وآضح واللي يبي يسأل او توضيح أنـــآ حــآظر للي تبون .
الله الله بالردود يــآجمــآعة الخير .
9/11/2007, 16:26
